衛詩雅過唔到自己 抗拒拍親熱戲
計劃明年初結婚 讚未婚夫優點多
準人妻衛詩雅昨日出席活動宣傳新款隱形眼鏡，她笑言自從轉用新款隱形眼鏡後，視野變得清晰，更立即找到從事醫美的未婚夫。她坦言現在很抗拒拍親熱戲，因為就算未婚夫不介意，她亦過不了自己一關：「覺得唔係咁好！」
日前衛詩雅在社交網宣布獲未婚夫求婚成功，她受訪時表示求婚當日是去年的生日驚喜：「求婚過程都好驚喜同估唔到，當時係我生日出去食飯，我差唔多要開始拍《破·地獄》，已經投入角色，成日黑口黑面，所以求婚係有啲應接不暇。但佢好醒目，一早夾好陳家樂同屋企人，我覺得好感動。」
性格極端最啱Key
詩雅大讚未婚夫優點數之不盡：「我同佢係兩個極端嘅人，佢好冷靜，我就易激動，好多時佢可以安慰到我。另外佢又乜都識，好似Google咁問乜都知，覺得可以同佢成為戰友，原來搵到Mr. Right嘅感覺係咁樣。」記者笑她找到醫美老公，可以慳回不少美容費用，她坦言：「係呀！我仲可以介紹畀大家，依家對自己皮膚嘅要求都要更高。」問到是否已落實婚期？她說：「其實我仲混亂緊！第一件事應該要做乜？連影婚紗相都未諗，我希望出年年初，應該會喺香港舉行，想多啲親友嚟。」問到婚後會否積極造人？她笑言沒想到太長遠。
詩雅表示老闆楊受成得知喜訊後，已承諾送大禮。問到婚後會否減少演出？她說：「唔會，反而要接多啲工作，因為多咗一頭家要養。」不過她坦言抗拒拍親熱戲，她解釋：「佢唔介意，我都會介意！雖然佢睇我嘅親熱戲時表現好大方，但感覺都唔係咁好！（你可以先同未婚夫試戲。）我有㗎！佢見我睇劇本嗰陣，會問我使唔使試戲，結果就愈做愈衰，哈哈！」
