直腸直肚得罪人多 谷婭溦自爆想從政
將於7月17日晚在東蒲胡李名靜體育館舉行歌迷聚會的谷婭溦，日前到新城電台接受訪問。入行15年的她直腸直肚，入行初期得罪人多稱呼人少！她坦言現時性格沒變，變的只是心態：「以前啲人會覺得我寸，但了解我之後知我講嘢係咁，我當你係朋友先講真嘢。」提到有指不少歌手曾跟她學唱歌，都試過被她責罵，但做得好則會獲讚揚，溦溦笑言：「邊個話我鬧佢？我從來唔鬧人，鬧人係最低級做法，我只會用第二個方法解決，例如《中年好聲音2》有兩個學生開唔到聲，我叫佢同一個動作做50次，睇住佢做，做到啱為止。」
熱愛唱歌的溦溦自爆想過從政：「如果我唔做歌手，我會去做ICAC（廉政公署），因為細個睇電視劇，見佢哋攞住個證行出嚟好有型，所以追溯到最後我好想從政。記得5年前同朋友行街見到選議員，我都好有衝動去選。」
