Share Castle小車神之育成
同樣位於萬象食家 4樓的室內兒童遊樂場「Share Castle」，有不同小朋友玩樂設施，除了波波池及巨型瀡滑梯，亦有砌積木的地方及可在模擬廚房玩煮飯仔，整體環境乾淨衞生，是小朋友「放電」的好地方。遊樂場最吸引之處是可以在商場內揸兒童電動車，客人可沿着特定車道一嘗駕駛滋味，¥80玩足20分鐘，性價比極高，家長與小朋友齊齊做車神。一家大細北上消費的港爸Nelson稱：「好好玩，4歲嘅囝囝玩得好開心，商場空間感充足又多餐廳選擇，我同家人一個月嚟兩次。」Share Castle店長豪哥表示：「我哋有六成係香港家庭客，逢星期五、六、日都好多人，除咗可以揸車，亦有得打遊戲機、玩波波池及瀡滑梯等，小朋友都好鍾意。」
