周文健自爆幫劉青雲改英文名
香港文匯報訊（記者 阿祖）由劉德華監製、邱禮濤執導 、兩大影帝劉青雲及吳鎮宇主演的新戲《談判專家》，截至6月18日在港上映6日，香港票房衝破850萬港元，成績理想。為答謝觀眾支持，今個周末，向來鮮有公開謝票的青雲，將會聯同邱禮濤導演、戲中「人質」3 人組包括周文健（Michael）、楊偉倫及顏卓靈一同現身戲院與大家見面。
Michael戲中飾演內部調查科警官，被劉青雲在警局挾持期間，二人互相鬥氣一幕，令觀眾留下深刻印象，Michael開拍之前有花心思跟邱導研究角色，欣喜大家喜歡他的表現：「我本人最深刻嘅對白，就係我臨死之前嗌『媽咪』，因為現場啲觀眾笑得好開心！」Michael與青雲戲中擦出火花，原來兩人相識多年，青雲於早前專訪中亦提到今次很開心再跟Michael相遇，Michael都有同感：「31年前我哋一齊拍過《七月十四》，然後我哋仲拍過鄭則仕先生監製嘅《運財童子》！佢個英文名都係我當時幫佢改嘅，Sean！所以咁多年後好似見返一個老朋友咁，咁多年冇合作但係仍然有返我哋以前演戲嘅默契。同劉生做戲好有安全感好有信任，好舒服！我哋以前合作嘅電影都係有喜劇成分喺度，所以好自然呢一部唔多唔少都會有。青雲曾經同我講過，『Michael你唔好以為你好笑，只不過見到你嘅忍笑樣我先笑咋』！」
