斯洛文尼亞升勢勁 受讓起「塞」
另一場C組第2輪賽事安排早場上演，世界排名57位斯洛文尼亞，挑戰33位塞爾維亞。塞爾維亞排名與經驗都有一定優勢，不過斯洛文尼亞卻處於升勢中，加上兩軍對賽往績極旺和波，今場斯洛文尼亞應做到坐和望贏，撐「讓球主客和」[+1]主勝。（NOW 618台周四9:00pm直播）
兩個前南斯拉夫國家，曾經同克羅地亞合組共和國，無論地域同關係都好密切，不過塞爾維亞一向唔妥最有錢的斯洛文尼亞，後者亦只與克羅地亞老友，今場為公為私都打甩髀。兩軍歷史上在歐國盃決賽周勝率極低，塞爾維亞只贏過一場，斯洛文尼亞尚未開齋，不過今屆於首輪表現都比預期好，斯洛文尼亞近期對賽與首輪對丹麥，都顯示強橫後勁，有力與牌面較高對手周旋。雙方歷來曾8次對賽，結果有6次不分勝負，包括前年歐國聯，塞爾維亞半場領先兩球，結果被追和2:2，今仗極可能繼續和波收場。
