黎耀祥 手機app叫外賣成習慣
祥仔在中山已是半個「地頭蟲」，閒時愛在社交平台分享與太太Julia穿梭大灣區各城巿做「吃貨」四出「搵食」的短片。去年二人在中山的豪宅接受訪問，在其超巨型客廳招呼朱凱婷，極具氣派。對於北上定居的感受，祥仔稱：「疫情前我喺中山買咗樓，兩地上上落落，嗰度畀我感覺比較舒服，城巿嘅節奏慢啲，生活悠閒啲！中山啲人又好nice，適應上冇問題，加上成日都返內地做嘢，好多嘢都已經習慣。」近日留港為無綫拍劇的祥仔，強調沒有工作也會多留內地：「我都希望嚟緊多啲留喺中山同老婆遊山玩水，以前忙工作，依家要放慢腳步，享受生活！」他又指深中通道通車後，更方便他由中山到深圳坐飛機去不同城巿旅遊。另外，內地衣食住行也要靠手機落單，祥仔認同科技更便利生活：「內地發展好好，如果習慣咗用手機app叫車、叫外賣，內地比香港方便啲，好多嘢用手機搞掂，出街又唔使帶銀包！」
