倫永亮自爆「跟蹤」葉麗儀

香港仔 P20 2024-06-20

　　倫永亮前晚出席港樂50周年晚宴，他表示8月會為葉麗儀的演唱會擔任音樂總監：「我讀中三時已經好欣賞葉麗儀，自從睇咗佢喺《聲寶之夜》演出後，我決定追星！因為當年錄音室喺我屋企附近，又知佢錄音嗰陣會去附近士多買嘢食，我就去士多等佢，但唔敢行埋去，只係靜靜地望佢。入行後同佢講番，仲話佢當年着短裙，佢聽完就係咁笑。」倫永亮又透露另一好友林憶蓮的近況，指憶蓮現於英國度假，並指對方在網上發布單曲，希望將來再與憶蓮合作。