細仔有唱歌表演慾 顏志恒支持愛兒追夢
香港文匯報訊（記者 梁靜儀）參加《中年好聲音》出道的歌手顏志恒（Benson）首次與兩名兒子一同出席活動，適逢昨日是父親節，Benson透露因晚上要開工，已跟家人提早慶祝。
昨日是父親節，Benson偕同太太及兩名分別8歲及6歲的兒子一同出席活動，同場還有伍仲衡。說到要在工作中過父親節，Benson表示出席完活動後，晚上還要返酒店工作，因此已提早一日與家人慶祝，並收到兩個兒子親手做的勞作，而太太則送了蛋糕做禮物。
稍後Benson跟細仔顏逸熹將會一齊演出兒童音樂劇，他指兩個兒子絕對有唱歌天分，之前他參加歌唱比賽，兒子們在電視上見到，就跟住唱他的參賽歌曲《一首歌一個故事》，唱得又啱音，兒子們還遺傳了他的另一個興趣就是打籃球，不過細仔就比較有表演慾。他又稱絕不反對兒子將來參加歌唱比賽，當兒子找到自己的興趣，他都盡量支持，就以他為例：「讀書係最重要，但唔係唯一，只要搵到自己的夢想同興趣，不用迫佢哋，佢哋都會搵方法做得好，自己就係一個好例子，因為我由細到大讀書都唔係叻，我鍾意打籃球同唱歌，只要Keep住經營，始終會有好成績。」
他又稱昨日還是首次父子檔出席活動，酬金不是重要，而酬金已全交太太處理，他又希望之後有人找他們一家四口或父子檔拍廣告，他想拍家居用品或主題樂園廣告。
說到《中年好聲音3》 展開招募，作為第一屆畢業生的他可擔心會被分薄資源？Benson說：「都唔到自己擔心，每次都交足自己嘅功課畀人睇，始終會有人睇到我哋的努力，會搵我哋。」
