學生哥要交功課 耶馬爾難只顧踢波
雖說讀書時讀書，遊戲時遊戲，但為國出戰又如何安排呢？年僅16歲的西班牙超新星國腳耶馬爾，目前正隨「狂牛兵團」備戰明晚展開的歐國盃決賽周，這位巴塞隆拿小將聲言已帶齊功課到臨，訓練之外更要兼顧上網課。
去年9月便首度為西班牙國家隊出戰，兼在對格魯吉亞的處子戰入波，耶馬爾已打破了隊史最年輕上陣及入球紀錄，至今已累積有7頂喼帽。不過，他卻坦承暫時難以全身投入足球事業上：「我仲讀緊ESO（西班牙強制教育系統第三級）第四年，所以我帶埋功課嚟，仲要網上上堂，不過一切都進行順利，希望老師唔會詐我型啦！」
不過，同人唔同命，玻利維亞的16歲天才中場柏尼古亞則因未獲雙親其中一人的允許，未能獲得簽證，被迫缺席下周在美國舉行的美洲國家盃。柏尼古亞効力玻國勁旅阿爾韋斯列迪，今年2月便曾寫下南美自由盃紀錄，以16歲188日之齡成為賽事史上第二年輕入球者。
