讚《中年》唱將訓練有素 胡渭康向後輩學嘢
胡渭康、黃劍文、涂家堯、顏米羔和鄭梓浩昨日出席活動，宣傳與韋綺姍、文佩玲及劉威煌在香港文化中心大劇院舉行的《音樂·人生 我們都是唱這歌慈善演唱會》，期間胡渭康即席揮毫，寫了「善」和「福」兩字，寓意「行善之人有福了」，並宣布加開27日一場，連同原定的28日及29日合共3場。
眾人皆是唱得之人，問到編排歌單會否很頭痛？胡渭康笑言不會：「特別係參加過《中年好聲音》嗰幾位，經歷過參賽時嘅洗禮，喺短時間內就練好一首歌。」黃劍文表示很期待演出，因有很多首經典歌甚少唱。涂家堯則稱會聽從胡渭康差遣，胡渭康即說：「反而我有壓力，雖然我作為前輩，但我係久休復出，佢哋個個都打過『木人巷』，所以係我懷住謙卑精神，同大家互相交流、學習。」
