阿甲博冷 科爾多瓦中央入波先
阿甲次階段第5輪，排第12位小阿根廷人迎戰零分包尾大幡CA科爾多瓦中央。小阿根廷人一味靠主場搶分，近期各項賽事主場4連勝，不過全部只能小勝一球，狀態及表現相當一般；科爾多瓦中央防線差體能不足，但上半場肯搶肯拚肯主動出擊，遇強亦經常搶得先機。今場小阿根廷人讓波超過一球嫌多，不如小注扒冷敲客隊「第一隊入球」。（開賽時間：周四6:00am）
小阿根廷人主力前鋒加斯頓華朗因傷長抖，近期前線火力平平，踢法亦偏向慢熱。較早前主場對羅沙里奧中央，亦在先落後下反勝；剛戰阿根廷盃32強，主場對乙組仔拉費爾拿亦未佔太大優勢，苦戰至90分鐘才絕殺贏1:0，表現相當麻麻；科爾多瓦中央習慣開波即搶，上半場經常交出高水準，但有頭威無尾陣捱唔到尾，近期4連敗，但面對小保加及貝格拉諾都先開紀錄並領先半場，最後輸後勁被反勝。今仗客軍「第一隊入球」有好分頭可以一博，甚至有27倍的半全場「客主」亦可以小試。
