黎瑞恩多人愛錫 唔心急拍拖
曾志偉與黎瑞恩昨日現身清水灣鄉村俱樂部高爾夫球會，出席「福幼慈善高爾夫球賽」，黎瑞恩透露將與家人到新疆旅行，下月又到澳洲為女兒慶祝21歲生日，並指女兒尚有一年便大學畢業。問到女兒有否拍拖？黎瑞恩笑言：「唔清楚，但會鼓勵囡囡談戀愛。（咁你有冇拍拖？）你睇我咁自由就知冇！有好多朋友，拍拖要諗吓先，係好多人愛錫我，但唔得閒淨係招呼一個人。（朋友介紹男士畀你識？）我性格咁Man，要介紹女人畀我至得。」
志偉指「福幼」近年主力幫助香港兒童，尤其是住劏房、有自閉症及單親家庭的小朋友，由於「福幼」是非牟利機構，要維持30年不容易，故年底打算舉辦慈善晚宴籌款。問到會否請男團LOONG 9？他指LOONG 9剛完成香港首個拍手見面會反應熱烈：「好多人想同佢哋合作，包括搞演唱會、見面會。」
