志偉希望全城見證 國家隊 港隊破紀錄 攞金牌
香港文匯報訊（記者 梁靜儀）TVB總經理曾志偉表示巴黎奧運舉行期間，晚上8點至11點黃金時段，所有節目全部停播，直播奧運，他說：「劇集會暫停，奧運係四年一度盛事，而且今屆香港代表隊好有希望（攞牌），有好多國家隊運動員都有望攞金牌，大家能坐喺電視機前睇到攞金牌的重要時刻，呢啲氣氛唔可以錯過，寧願將劇集暫停，全城慶祝，並為香港運動員加油。」
志偉又指今次無綫重槌出擊，又會有專業及有經驗的運動員做評述及分析。至於他自己因冇位所以不會到巴黎，但黃翠如、方力申及鄭衍峰會有好大任務，直擊當地賽事。他又表示雖然部分賽事於深夜舉行，但也會捱眼瞓留守錄影廠跟大家收看賽事，他說：「睇好港隊游泳及劍擊項目最有機會奪金，希望能夠破攞金牌紀錄，呢個係我哋最期待。」
「奧運六星」有運動底子
說到還有其他電視台亦會直播奧運，無綫有何攻勢？志偉有信心今屆一定做得比上屆更加精彩：「我哋都係盡做，做到最好，冇話咩特別搶先，覺得每樣都係公平，都係用心為香港市民去做，希望觀眾睇得開心。」談到選「奧運六星」的準則，他初時搞笑說：「係抽籤！」其後他解釋大家都是有運動底子及有熱誠帶動觀眾氣氛。
問會否請特首亮相？他笑稱不敢邀請對方：「咁夜我唔知佢瞓未，如果特首有興致當然歡迎，但不敢邀請特首，不想難為佢。」
小方稱不再犯低級錯誤
方力申（小方）與黃翠如將會遠赴巴黎1個月直擊奧運，2004年小方有份主持雅典奧運，直播期間播出他對葉璇講：「跟住你寸我吖嘛！」事後傳出雙方不和。小方坦言不會再犯低級錯誤：「𠵱家我直情係『老Pat Pat』，點會犯新手錯誤，死都唔做第一個開口講嘢嗰個，大家鬥唔講嘢。」
首次擔任奧運主持的翠如笑言要向小方請教，不過她今次主力做旅遊介紹，了解巴黎當地旅遊生活和奧運相關周邊趣事。訪問運動員則交由小方負責，不過都要做足功課，好希望可以入場欣賞跳水賽事。她又稱老公蕭正楠因要拍劇不會同行，但已叫她一定要買有關奧運的手信。
劉穎鏇看好張家朗何詩蓓
獲選為「奧運之星」之一的劉穎鏇，表示首次參與奧運盛事感到有點緊張，除了勤力看資料準備外，亦會向專業人士請教。本身喜歡籃球的她，亦喜歡游水、跳水及劍擊，支持香港運動員張家朗及何詩蓓。
