馮允謙 盼 梁釗峰教beatbox
香港文匯報訊（記者 子棠）馮允謙為新歌《Jay Fung儀態訓練學院》推出A Cappella版，更邀請了合共10位成員的The Kickvoxers一起參與。Jay Fung表示，「其實諗咗好耐，想做一個新版本，A Capella係我比較少接觸嘅範疇，所以係一個好大嘅突破。今次好幸運係同The Kickvoxers合作，其中一位成員Guddy係我唱歌老師，由我兩年前第一次喺九展開演唱會，到舊年紅館開show，我好需要vocal stamina（聲韻耐力），去令自己把聲更強，佢真係幫咗我好多。」」
Jay Fung又指兩個歌曲版本演繹上大有不同，「其實兩個版本嘅唱法係有分別，原裝版會比較憤怒、激情，但A Cappella version，因為要配合大家把聲，所以呢個版本會收埋啲，會cool少少，所以頭先拍MV嘅時候都比較cool。但最搞笑的係，我記得我喺錄音室錄呢隻歌嘅時候，有一個習慣，我會不期然有好多好誇張嘅手部動作，但原來喺鏡頭面前做呢啲動作，會好奇怪，所以剛才唱嘅時候，雙手好想郁，但又要壓制住自己，最終拍咗四五個take，自己都好滿意，希望大家都鍾意呢個版本。」他又指想嘗試在A Cappella中不是唱主音，而是做beatbox，「雖然我完全唔識，但我聽講釗峰識beatbox，可以搵佢一齊合作吓！」
