方力申主持奧運 唔驚再講錯嘢
方力申與黃翠如等昨日出席《2024巴黎奧運 盡在TVB》記者會，二人將擔任節目主持。剛從佛山開騷回港的小方，被問於台上為他伴舞的蒙面美女是否女友Maple？他笑言不知對方是誰：「佢蒙住面，我都蒙咗眼，我淨係知女友坐第一行，我父母坐第二行，同埋佢坐第一行唔係因為重要，係因為辛苦，佢要岳高頭睇。」他又稱8月將到中山開騷，屆時會問導演要不要揭開美女舞者的謎底：「睇吓到時係我揭開佢，定係佢自己揭開。」提到2004年小方於奧運直播中向葉璇說「你寸我吖嘛」，他表示不會重複犯錯：「我唔會做第一個開口，大家鬥唔講嘢。」
同場的無綫總經理（節目內容營運）曾志偉表示在播放奧運節目期間，所有晚上8時至11時的節目將會暫停播映，希望廣大市民可以關注四年一度的體育盛事，為香港運動員打氣。
