做事業型女性支嚳儀自主人生
支嚳儀（Venus）日前到電台受訪，提到她參加《中年好聲音》前已經營烘焙店，並於馬來西亞和菲律賓設有分店，她說：「零失手整蛋糕係我哋服務宗旨，希望今年可以喺加拿大開分店。」問到參加比賽最大得着是什麼？她說：「我搵到屬於自己把聲，以前唔知點發聲，但韋綺珊老師教我之後，咩類型嘅歌我都試過。」Venus又指新歌《Gotta Try》是其座右銘：「作為媽媽同事業型女性，自己嘅人生要自己主導。」
問到家人如何支持自己？Venus甜絲絲說：「我老公好低調，成日唔想上鏡，但佢私下畀我好多意見，例如呢首歌唱直播要點樣唱，作為聽眾，佢會覺得你咁唱會喘氣。我媽咪見到有啲報道會話為你驕傲，佢覺得呢個圈好浮沉，會提醒我當冇咗價值時，就將原有嘅能量去番自己嘅事業。」
