朱斐斐擁健身教練牌 不放棄幕前簽新經理人
香港文匯報訊（記者 梁靜儀）高鈞賢、麥詩敏主持的HOY TV節目《健康關注組》，昨日請來曾有暴食症現在是專業健身教練的朱斐斐做嘉賓。
朱斐斐表示最肥有68kg，但她身高只有162厘米，肥到有如一粒波，她說：「其實我係由厭食開始，嗰陣時16、17年，得38kg，之後去泰國旅行，我想自己瘦啲， 所以食嘢都係過完口癮就吐返出嚟，扣喉、食瀉藥、睇減肥醫生乜都試過，但去完旅行之後又開始食肥返，肥到68kg，後來靠做運動減返落去48kg。」她指好多女仔都以為做運動會越做越大隻，但她卻越做越上癮，更考埋健身教練牌。
剛約滿無綫的朱斐斐，離巢主要是在無綫十多年發展未如理想，所以都想看看外面的世界， 她笑說：「今次都算是裸辭，不過自己亦有教健身， 收入都OK，同時又簽了新經理人，都會雙線發展，稍後亦會拍攝健身片段放上社交平台。」
高鈞賢用廚藝冧女友
高鈞賢愛周圍搵美食，但會有節制，畢竟自己是第一屆港男，都要顧及形象。近日公開已有拍拖一年多的圈外女友，對方是香港人，笑問他近日是否多了湯水滋潤？他笑說：「會同女朋友一齊研究健康飲食， 我煮得多啲， 中西（菜）都得，（是否靠一手廚藝追到女友？）呢個其一， 可能我祖籍潮州，都係研究湯水為主。」
