馬明記唔掂歌詞 自嘲和唱擔當
4大視帝組男團「演員好聲音」
4位視帝陳豪、馬國明、譚俊彥、陳展鵬難得同台演出，但竟然不是鬥好戲，而是鬥唱功！展鵬與譚俊彥獲讚最唱得，陳豪則信心爆棚自稱是「跳舞擔當」，不過馬明自爆記唔熟歌詞，合唱時大部分時間都放下咪高峰，更自嘲是「和唱擔當」，不敢叫老婆看他的演出！
前晚馬國明、譚俊彥、陳展鵬、陳豪與《中年好聲音》歌手周吉佩、羅啟豪、譚輝智、「聲夢」小花鍾柔美（Yumi）與詹天文（Windy）等擔任《萬眾同心公益金》表演嘉賓。「人氣王」譚輝智獲頭號粉絲狄波拉撐場，狄波拉更捐出50萬元支持偶像，並客串做接線生接聽捐款電話。
4位視帝首次同台合唱，先由展鵬打頭陣唱《後悔萬年》，其後4人合唱《紅日》。記者笑指他們可以組新男團出道，譚俊彥笑言是「演員好聲音」。提到馬明合唱時大部分時間放下咪高峰，他坦言：「因為我早兩日先收到通知演出，對首歌唔係太熟，連記歌詞都記到死。」展鵬與譚俊彥被推舉為「唱歌擔當」，馬明即自嘲是「和唱擔當」，陳豪則自稱是「跳舞擔當」，非常搞笑！馬明更稱不敢叫老婆湯洛雯睇電視：「怕影響到我喺佢心目中嘅形象，叫佢捐錢就得喇。」
日前有網民發現展鵬與太太單文柔合照中，見單文柔拿着名牌袋被批貪錢，展鵬笑言睇到呢啲新聞都得啖笑。
詹天文擬放棄出國留學
Windy與Yumi早前考畢DSE，二人均透露準備大學面試及籌備新歌。早前獲國際知名音樂學府伯克利音樂學院錄取的Windy坦言仍考慮是否出國留學，並自爆已面試香港演藝學院：「有一部分要表演跳舞，我揀咗自己嘅歌跳舞，考官嘅反應好似認得我。（覺得做藝人有優勢？）但我演戲冇經驗，所以唔算好有優勢，當係挑戰自己。」問Yumi有否想過到外地升學？她坦言想留港讀書：「因為我想繼續喺香港做嘢，唔想好似Chantel（姚焯菲）咁兩邊飛，覺得好攰，而且我怕喺外地會思鄉。（學Windy報讀演藝學院？）我想讀Business，留條後路畀自己，呢行唔係咁穩定，如果將來唔紅，我都可以向其他方面發展。」
