泳兒與歌迷玩密室逃脫
香港文匯報訊（記者 阿祖）泳兒（Vincy）日前舉行歌迷聚會。這次聚會的形式是玩密室逃脫，原來是Vincy自己提議：「因為我個人真的好怕悶，不可以坐定定食飯傾偈，所以我就想玩一些刺激少少，又可以和歌迷互動多少少的Teamwork，一齊去玩。」Vincy十分喜歡玩密室逃脫，而且是一個喜歡破解事情的人，雖然這次十分困難，兩個密室都破解不到，不過她仍大讚好玩：「因為場地空間有限，要分兩轉玩，我是連續玩兩轉，用了好多腦細胞。太難啦！所以keep住要用錦囊去解，好似話係無太多人破解到，我覺得好玩呀！」
最印象深刻是眾人在密室中，Vincy被突如其來的驚呼聲當場嚇到個心離一離：「因為有一part我們要戴住眼罩，看不到東西，跟住有些年紀比較細的fans好驚大叫，製造恐慌呀，哈哈，搞到我都有點被嚇親。另外有一part要兩個人一組鎖起手鏈，我就無鎖，我係鎖起班fans，哈哈，之後又要爬高爬低；有一part是要對圖案，要睇得好細微，真係好花眼力。」經過重重困難，Vincy跟歌迷都未能破解，最後只好拿起對講機，跟場地工作人員「求釋放」，十分搞笑。雖然任務失敗，但Vincy坦言希望舉辦更多跟歌迷互動的聚會：「想多些類似的活動，而不是以前去食飯、就咁傾偈，因為好鍾意大家一齊合作去做一件事，個感覺係好好。」
