【網議政事】網民：黃店之路就是死路
唔少網民見到大渣哥全線結業呢個消息，熱烈地彈琴熱烈地唱。有網民感嘆「黃店之路，就是死路一條」，又有網民揶揄「點解班手足咁唔齊心嘅！」都可能見過鬼就怕黑，畢竟過往「黃圈」亂到出汁，於是都有網民友情提示：「提子（提防騙子）呢？」
網民「Wong KY」在社交平台留言揶揄，「執笠唔代表唔使交拖欠嘅租金加利息……」「Woo Ting Kit」就質疑，「欠租不付，藉口玩破產，黃店之路，就是死路一條。」
畢竟之前發嘅亂港財，唔怪得之𠵱家撐唔落。「Chan Yiu」就話：「我諗之前支持佢嗰班野（嘢），頻頻北上之下，回復返味覺，所以佢米（咪）要摺埋囉。」「Kenny Chu」就指出，「呢間垃圾餐廳啲侍應串到××，抵佢執喇！」
「Levin Chong」則中肯地咁話：「食過一次。總結係靠賣黃不持久哦。食肆好食先係最緊要，要講到咁白先得。」◆香港文匯報記者 藍松山
