夥TIAB亮相韓「濕身」派對 Lolly Talk望為港女團爭光
香港文匯報訊（記者 子棠）韓國殿堂級HipHop派對 MISTINE 將於6月1日及2日在西九文化區安盛×竹翠公園舉行，除了Jay Park、Rain、泫雅、Jessi、權恩妃、STAY C等，Lolly Talk和 TIAB則成為香港代表。
Lolly Talk 表示會努力排舞為港女團爭光，盼滿足樂迷令大家盡興而歸：「可以喺香港參與韓國大型嘅音樂節真係好榮幸，希望韓國嘅藝人都欣賞香港流行文化，未來可以開拓韓國市場，甚至唱韓文嘅歌曲。」
TIAB則指希望能與韓國頂流傾談音樂，不過更着緊是帶什麼衫出席：「講明係WATERBOMB，即係擺明會濕身啦？我怕到時着得靚靚，點知一個水炮射埋嚟就大件事！不過最緊要大家玩得開心，相信呢個騷會好好氣氛。」TIAB坦言準備好濕身，盼歌迷手下留情：「平時我都好疼fans，希望佢哋唔好『追擊』我，怕唱唱吓『飲水』濁親就大件事啦。不過聽聞台上都有水炮，大家唔好輕舉妄動，我隨時會反擊㗎！」
