鍾嘉欣戥伍允龍高興 唔驚老公呷醋
鍾嘉欣從加拿大回港逾一星期，前晚出席美容儀器代言人續約儀式。提到日前她在社交網上載《九龍城寨之圍城》戲票，是否支持舊愛伍允龍或緋聞舊愛林峯？她笑言：「我捧晒所有演員場，呢部戲有好多好演員演出，我睇完『嘩嘩嘩』叫出嚟，點解咁好睇㗎？Philip（伍允龍）、阿峯演得好好。」提到伍允龍獲網民讚演技好，她說：「佢等到呢個角色，戥佢高興，佢嘅價值一直都喺度，只係等待角色。佢長髮造型好睇，角色好適合佢演，以佢為榮。」
提到伍允龍表示收到她的短訊支持，嘉欣說：「只要我見到覺得好嘅嘢，就會傳短訊畀佢，大家仲係朋友，聖誕節、生日都送祝福。（唔驚老公呷醋？）唔會，我老公好有自信，而且我哋好專一。（有冇約伍允龍食飯慶祝？）又唔需要，我返嚟呢一個星期好忙，真係冇時間。」
