譚輝智唱霆鋒名曲 搞喊狄波拉
《中年好聲音2》亞軍譚輝智前晚在九展Star Hall舉行一場《Fight For You演唱會》，其「頭號粉絲」狄波拉（拉姑）偕陳淑芬捧場。輝智表示很欣賞一位16歲便出道的歌手：「今晚請到佢……阿媽拉姑嚟！」隨即望向台下的拉姑說：「你個仔咁有型，點解你會留意我呢Pat嘢？」之後他唱謝霆鋒的名曲《愛後餘生》，拉姑感動到眼濕濕！
之後他扮日本動漫角色「柯南」，邀來大班「中2生」顏米羔、劉威煌、陳俞霏及陳蒨葶等，換上不同動漫角色造型唱多首動漫主題曲，炒熱全場氣氛。完騷後，輝智受訪時被問是否滿意演出？他坦言仍有進步空間。談到他在台上請拉姑任歌迷會會長，但慘食檸檬，他笑言：「好正常，唔通唔請咩？檸檬喎！我咪唱檸檬（霆鋒）嘅歌。」
