決賽連環鬥 橫濱「大」豐收
歐洲主流聯賽塵埃落定，相繼結束，卻仍有本土盃賽爭逐，其中法足盃決賽便有巴黎聖日耳門（PSG）硬撼里昂，巨星麥巴比在PSG的告別戰，應該萬無一失。此外，亞冠盃決賽將會上演次回合賽事，橫濱水手帶着2:1優勢到阿聯酋再鬥艾阿恩，雙方預計都會踢進攻足球，博[3.5]大盤好路。至於澳職將演季後賽決賽，中岸水手質態佔先，不難殺敗墨爾本勝利奪標。
亞冠盃首回合，橫濱水手落後下反勝2:1，由澳洲名將基維爾帶領的橫濱，當日控制戰局，只是把握力一般，贏得驚險。基維爾一向崇尚進攻足球，今次客戰都不會退縮。對手艾阿恩上圈既能淘汰沙特阿拉伯班霸希拉爾，絕非善男信女，今於主場出戰求翻身，肯定一開賽便強攻，今場等睇入球騷。（HOY 76台周日12:00am直播）
澳職方面，中岸水手是常規賽冠軍，今季表現明顯較墨爾本勝利優勝，尤其後者上圈要靠加時戰才能踢走威靈頓鳳凰，戰力未見突出，今場根本無力抗衡，必捧主W。（TVB 82台周六5:45pm直播）
法足盃方面，PSG在國內賽大超班，今季聯賽兩循環同以4:1大炒里昂，今場決賽再遇，PSG不難贏波捧盃，客W穩陣。（NOW 638台周日3:00am直播）
