獲陳凱琳讚犀利 陳靜嘆拍劇辛苦
香港文匯報（記者 梁靜儀）陳凱琳（Grace）與陳靜（DaDa）及林芊妤（Coffee）昨日以瑜伽裝束冒雨出席露天活動。
Grace表示在陰天做運動對她來說是好事，因自己容易曬黑，難得香港還有涼風，因好快就會熱。皮膚白皙的DaDa亦稱怕紫外光，所以昨日算好天，因為未來都會有大雨。問到DaDa喜歡什麼運動？DaDa表示鍾意行山和游水，又會做運動訓練全身肌肉，近期就勤做站立臀腿運動，發覺身形明顯有改善。
問到Grace和老公鄭嘉穎可會一起做運動？她說：「老公鍾意打網球， 我就鍾意打羽毛球，因為怕曬就要喺室內打 ，同埋佢比較勁，我費事挑戰佢，不過𠵱家我哋有一齊玩一個新興嘅網球同乒乓波嘅混合又有少少似羽毛球運動，我哋好少一齊做運動 ，佢見我撲波時撲埋去佢嗰個場度 ，就叫我返自己嗰邊。」說到兩人拍拖時，Grace也有陪嘉穎去睇網球賽，那豈不是很大犧牲？她笑說：「又唔覺得係犧牲，我都鍾意睇網球，同埋我都全副防曬裝備。」
DaDa有份參演的劇集《家族榮耀之繼承者》正熱播中，飾演有錢太太的她說：「希望觀眾鍾意啦，因為齣劇有講女性唔可以被人恰，要企出嚟勇於作戰個訊息，我都好鍾意個角色。」 問到再次拍劇可有拍上癮，DaDa即說沒有：「原來拍劇好辛苦，之前試過拍10集劇，今次拍30集，差唔多日日都要開工，雖然劇係講家族鬥爭，又喺馬來西亞拍，但成個劇組氣氛好好，拍得好開心。」
曾經拍過劇集的Grace 就大讚DaDa犀利，自己現時全部心思及意志力都畀晒小朋友。另外Coffee透露個人品牌網上生意成立以來幾乎每個月都有錢賺，但暫未打算開實體店。
