英超護級大局已定 森林勢上岸
英超護級形勢經過前晚賽事形勢終於大定，般尼在作客以1:2不敵熱刺後，宣布伴隨錫菲聯正式降班，而盧頓造訪韋斯咸輸1:3後，儘管尾四的諾定咸森林亦以2:3負於車路士腳下，但賽後盧頓仍落後森林3分，在雙方得失球相差多達12球下，於只餘煞科一輪情況，除非有奇跡，恐怕盧頓下季都要英冠再見。
森林在煞科戰會作客篤定降班的般尼，而盧頓則會於主場迎戰富咸，在盧頓必須大炒富咸，又要森林慘敗般尼腳下，兼追回12個得失球差，盧頓方可逃出生天，一般相信機會都是名存實亡。不過，森林領隊紐奴都不敢大意，在昨仗賽後說：「我喺足球圈乜都見過晒，或者只有我一個仲未敢慶祝，認為仲有工作有待完成。」
另外，前晚頭場曼城作客4:0大炒富咸，得以重返榜首，這場賽事焦點是梅開二度的後衛加華度爾，在補時球隊獲得12碼時，拒絕操刀，錯過寫下英超歷史，成為首位連中三元的後衛，近5場聯賽入4球的他賽後解釋：「我哋有劊子手安排，梗係要跟番啦！」
