利物浦征維拉 旺半「大」
睇英超獨腳戲要準時
英超倒數第2輪壓軸戲演前四大戰，第4位阿士東維拉主場對第3位利物浦。維拉今仗贏波即可確保下屆歐聯參賽資格，理論上戰意應較勝負已無關重要的利物浦高，不過球隊近期狀態低迷，加上往績絕對下風，即使主場受讓亦欠捧場價值。考慮到兩軍近期交手頻頻閃電入波，上半場例多波入，今場推介[1.5]半場大盤。（NOW 611及621台周二3:00am直播）
阿士東維拉目前以67分排第4，領先第5位熱刺4分，在餘下僅兩輪比賽情況下，只要今仗在主場贏波，即可確保以英超第4名資格參戰下屆歐聯。只可惜球隊近期狀態嚴重下滑，近4場正式賽事1和3負，尤其歐協聯準決賽兩回合遭奧林比亞高斯雙殺，有力不從心感覺。球隊主場威力亦大不如前，近8仗英超主場僅得3勝。目前陣容亦嚴重不整，除守將伊巴卡卡馬拉、泰朗明斯、中場積及藍斯、布恩迪亞繼續養傷，前線摩根羅渣士加入傷兵行列外，守將阿歷斯摩蘭奴、中場泰利文斯及尼高路辛尼奧路都有傷上陣成疑。
利物浦狀態同樣不振，近8場正式賽事僅3勝。除於歐霸盃出局外，在餘下兩輪落後曼城7分，英超亦宣布爭霸無望，而且落後次席阿仙奴5分兼17個得失球，爭亞軍機會亦極為渺茫，但同時又領先維拉11分，換言之聯賽獲季軍幾成定局。不過紅軍自2018年0:1不敵車路士後，至今在5月份的英超作客保持18仗不敗，球隊近7次對維拉亦取得6勝1和佳績，考慮到今仗是傳奇主帥高普領軍最後一場作客比賽，預期絕不會放軟手腳。紅軍目前有守將祖爾麥迪比、中場堤亞高艾簡達拿、賓杜克、前線迪亞高祖達及波比奇勒因傷缺陣。
紅軍近4作客交手 6分鐘內入波
雙方近期狀態都有疑點，不過對賽往績卻有迹可循：利物浦近5次作客維拉公園球場，半場總入球全部有兩個以上；而且近4次都在開賽僅4至6分鐘已產生第一個入球，經常在球迷未坐定已閃電開紀錄。今仗預期甚有機會繼續一開即鬥搶，捧半場大似乎比上下盤更有根據。
