防守災難大敗 曼聯破盡羞家紀錄
英超昨晨上演的獨腳戲，今季表現遠遜預期的曼聯，再一次令人失望的發揮，作客慘吞水晶宮4蛋。錄得今季聯賽第13場敗仗的「紅魔鬼」，打破了隊史英超最多敗仗紀錄，而至今在各項賽事勁失81球，也是自1977年以來最多，領隊坦哈格帥位愈來愈危危乎。
曼聯中堅位置傷兵纍纍，今場要以老將莊尼伊雲斯擔正，夥拍由中場移後的卡斯米路作雙中堅，是球隊今季第14對中堅組合，果然因默契及狀態不足，犯錯連連致慘敗收場。領隊「坦克」賽後受訪，坦承對表現不滿：「好明顯表現唔夠水準，我哋應該好似球迷一樣去戰鬥到底。」
對於防線表現，坦帥怒斥：「完全錯晒呀，都唔跟戰術同規則安排，就算係由個別犯錯，隊員都要為隊友補救，但我哋冇做到，令大家失望，係最差嘅敗仗。」坦帥強調會繼續奮力作戰，並深信只要傷兵回歸，球隊陣容其實足夠。曼聯現以35戰54分跌至第8位，已被車路士超越，與第五位可踢歐洲賽的熱刺相距6分，下屆要踢歐洲賽，看來只能靠在英足盃決賽打敗曼城才有機。
