古淖文靠撈味 練出大心臟
《中年2》三甲各懷男兒夢
古淖文、譚輝智及顏米羔在無綫歌唱節目《中年好聲音2》分別贏得冠亞季軍，曾在2009年出戰亞視第一屆《亞洲星光大道》的古淖文，14年後捲土重來大熱稱王，他不覺這是遲來的春天，更感慨稱：「如果我十幾年前攞咗冠軍，一定囂到阿媽都唔認得！」經過歲月洗禮，36歲的古淖文果然大個仔！
採訪、攝影：梁靜儀
古淖文、譚輝智及顏米羔於《中年2》參賽期間已成功入屋，俘虜大量粉絲，三位中佬在獲獎後工作更接踵而至。日前淖文、輝智及米羔接受本報專訪，來自澳門的中葡混血兒淖文在《亞洲星光大道》奪得第5名及「最佳台風獎」，其後簽約亞視但發展不似預期。事隔多年，淖文毅然轉戰《中年2》，幕前經驗豐富的他比其他素人參賽者更快入局，其妖爆造型及唱腔也贏得外界焦點，連評審陳慧嫻亦在節目中大讚他是「巨星」，極速贏盡人氣。亞視「星光幫」年代的淖文發展不似預期，他回想道：「當年21、22歲參賽年少氣盛，簡直覺得自己係天王巨星，勁過劉德華。」曾經歷事業低潮，揚威《中年2》後的淖文學懂謙卑：「我得獎之後嗰日返公司（無綫）綵排，啲同事見到我都講『巨星，恭喜你攞冠軍』，我多謝佢哋之後就講『冠軍係尋日，依家我就係你同事，請你多多指教』。」淖文指若十多年前摘冠一定更囂張。他參加《中年2》後雖獲肥媽歡心，卻惹來不少網民狠批「撈味」濃，對此他處之泰然：「我睇好多梅艷芳、張國榮嘅片，又鍾意睇羅文跳嘅舞，所以受影響入咗血，諗深一層，可能撈味係我賣點呢！」
缺搵食技能盼唱到老
淖文明白要用作品說話的道理，他在節目中演繹陳百強苦情歌《盼望的緣份》成功搣甩撈味，並在服裝方面配合電視觀眾口味：「我發覺觀眾都係鍾意乾乾淨淨、簡簡單單嘅造型。」面對外界負評，擁有「大心臟」的淖文稱：「如果冇呢啲負評，我冇得練到內心更強大，要珍惜有人講你，讚嘅就講聲多謝。」再戰樂壇的淖文曾在亞視拍處境劇《香港gogogo》，現時亦想再嘗拍劇滋味，但他最希望返家鄉澳門開騷。視演藝事業為終身職業的淖文，又聲言健康許可會繼續唱歌：「我淨係得唱歌同跳舞，無其他求生技能。」
輝智零演技謝絕演戲
至於《中年2》亞軍、38歲的譚輝智憑總決賽萌爆「舞技」狂吸粉絲，就連謝霆鋒的媽媽狄波拉都是其鐵粉。本身是富二代兼馬主的輝智，與太太經營美容生意，談及與無綫簽歌星約，時間上如何分配？他慶幸生意由愛妻打理：「我係見步行步，唔會即刻放棄所有嘢，一定着重生意嗰邊，我有自己想法。」問到家人可贊成入行？輝智稱子女年紀小不太懂，太太亦持開放態度，自己想法則是一半一半：「一來少時間陪太太，二來參加比賽後啲計劃亂晒，啲時間畀晒比賽。」對於太太可擔心在圈中有太多誘惑，他搞笑道：「有㗎咩？我冇喎，我好自律。」輝智在觀眾眼中一直予人怕醜內斂的形象，但在鏡頭後卻截然不同：「我都係做自己舒服嗰啲，其實我癲㗎，我係好多嘢講，講啲無聊嘢多。」至於可有興趣拍戲？輝智聞言卻耍手擰頭：「我係無演技嘅人，拍唔到戲。」
顏米羔再執導演筒
正職是保險理財顧問的季軍顏米羔，過往曾執導電影《私人會所》，可算是半個圈中人。對唱歌擁有一團火的他參戰《中年2》後仍兼顧保險工作：「我想用演出影響生命，但唔會畀自己時間表，驚會畀自己壓力，最大夢想有個人單曲同演唱會。」熱愛創作的米羔預告將重拾導演筒：「終於守得雲開，『電影發展基金』嘅申請成功獲批，我會執導恐怖片，自己都想演埋。」
