蟻俠變波神 木狼破「金」身
進步神速 轟43分創新高
去屆NBA總冠軍金塊昨晨在西岸季後賽次圈G1主場迎戰木狼，最終以99:106落敗。兩軍上季曾在季後賽交手，當時金塊以場數4:1輕鬆晉級，但今時唔同往日，木狼今季有被譽為「波神接班人」的「蟻俠」愛德華斯大變身，全能表現贏盡聯盟認同與讚賞，昨仗便轟入個人季後賽新高的43分，成為贏波頭號功臣；而金塊在兩大主力祖傑與謝馬爾梅利同樣低迷下，衛冕陷危機。
愛德華斯在昨仗表現光芒四射，無論是投籃、交波等所有決斷時機都做到最好，結果全場攻入43分，包括上半場已入25分，而隊友「最佳第六人」拿斯列特則在中鋒唐斯陷於個犯問題時，在第四節挺身而出，攻入個人全場16分中的14分，為木狼鎖定勝局。木狼昨仗在下半場投射命中率高達71.1%，是今場贏波關鍵。
年僅22歲的「蟻俠」賽後表示：「成支球隊上下都互相信任，無論由邊個投射都冇問題。能夠同世上最好球員及最好球隊交手就係最過癮，能夠喺呢度高海拔贏波真係唔易。」愛德華斯透露是去年夏天代表美國出戰男籃世界盃令他為新季作出了更好的準備。
球隊經驗戰將米克干尼亦對「蟻俠」讚不絕口：「我為佢接受球隊要求去努力成長到依家嘅水平而感到驕傲，其實要個得22、23歲球員咁快去改進真係好難。」而金塊主帥米高馬龍更是輸得心服口服：「佢套波真係全無弱點，想停佢落嚟根本係個落地獄一樣嘅挑戰。我哋下半場防守紀律同體能稍為下跌，就令佢好似如入無人之境一樣。」
祖傑梅利表現失準
金塊的兩屆MVP中鋒祖傑今場備受壓力，雖然都交出32分8籃板9助攻，但同時錄得7次失誤，至於在首圈季後賽貢獻良多的謝馬爾梅利，昨仗上半場竟被壓制至零得分，全場雖然攻入17分，但表現明顯未達預期。賽後，祖傑失望地說：「我哋必須做得更好，逼佢哋更難出手或者多作額外傳送。」
