黎諾懿壓力大 驚俾老婆捉錯處
陳自瑤拍《香港婚後事》有得着
早前播畢的劇集《婚後事》掀起全城熱話，無綫食住個勢，推出由《婚》劇幾位主角主持的綜藝節目《香港婚後事》，繼續探討愛情與婚姻的問題。黎諾懿笑言有壓力，擔心節目播出後被老婆捉錯處，會拿別人的老公作比較。陳自瑤則稱聽完嘉賓分享教育子女的心得後，獲益良多。
由黎諾懿、陳自瑤（Yoyo）與賴慰玲主持的無綫節目《香港婚後事》，昨日在將軍澳電視城舉行記者會，節目邀得吳若希、姚子羚、羅子溢、李丞責、單立文、胡蓓蔚、連詩雅、龔慈恩等擔任嘉賓，探討婚姻愛情關係。
節目模式是主持人與嘉賓於Glamping（豪華露營）中真情對話，賴慰玲自爆拍攝時難得放鬆，開心到飲醉。她指嘉賓中印象最深是吳若希：「因為大家都覺得佢御夫有術，但實際上係佢哋嘅相處模式，佢哋兩公婆係好恩愛。」黎諾懿對充滿智慧的李丞責以情感角度分享夫妻關係印象最深。
Yoyo坦言非常欣賞單立文（豹哥）與胡蓓蔚互窒的相處方式：「感覺到佢哋相處得好開心，豹哥唔單止Man，仲係好男人。」賴慰玲則讚有「女神收割機」之稱的羅天宇是暖男，明白對方為何會如此受女士歡迎，3人均笑言會在節目中向羅天宇進行大逼供。
3人均已婚，問到主持節目後對自己的婚姻可有得着？賴慰玲直言婚姻關係有所增長，因為3日沒見老公，已很掛住對方。黎諾懿笑說：「更差！因為太太對我要求好高，涉及太太嘅題材要更加小心，相信節目播出時太太會同我一齊睇，然後搵錯處，佢會話『人哋老公係點』，嗰兩星期會好大壓力。不過如果呢十幾年冇佢嘅鞭策，我都係一舊垃圾。」Yoyo稱最緊張女兒踏入反叛期的處理方式，聽完龔慈恩分享子女的教育心得後，令她獲益良多。
