默郡打吡 紅軍搶嗒「拖肥」
放手輪換 回復狠勁
今晚英超快車上演多場補賽，以愛華頓對利物浦的「默西塞德郡打吡」最受注目。愛華頓葛迪遜公園球場近年頻頻成為紅軍絆腳石，令這場原本強弱懸殊的對賽增添大戰氣氛。利物浦上輪作客痛擊富咸重現朝氣，在衝冠重要關頭可憑狠勁，克服今季遇強腳軟的主隊。相信紅軍會沿用開賽即搶策略速食「拖肥糖」。利物浦客勝太熱，推介「半全場」客客。（NOW 611及621台周四3:00am直播）
今季英超爭霸空前激烈，一直維持曼城、阿仙奴與利物浦三雄鼎立局面。暫列次席利物浦形勢處下風，與榜首阿仙奴同分但落後8個得失球、領先第3位曼城一分但多賽一場，餘下5輪聯賽已經不容有失。今晚面對排名16的護級隊伍愛華頓，無論實力及狀態都佔絕對優勢。不過紅軍自2012年以來，11次造訪葛迪遜公園球場竟然只贏兩次，其餘9次全部和波。利物浦在「默西塞德郡打吡」面對的除愛華頓眾將外，現場支持主隊的狂熱氣氛，亦往往在心理上打擊紅軍球員。
利物浦早前曾出現低潮，英足盃及歐霸盃分別被曼聯及阿特蘭大踢出局，前仗英超亦在主場被水晶宮爆冷擊敗，信心一度出現危機。教頭高普選擇在歐霸八強次回合強陣出征意大利，即使出局亦要勝回一仗提升士氣。上輪作客富咸更放手作出徹底輪換，433陣式的3名中場全數換人，由哈維艾利洛、遠藤航及格雲貝治代替蘇保斯拉爾、麥亞里士打及居迪斯鍾斯。果然帶來新鮮感，開波即高位迫搶重現狠勁，贏得清脆一仗！今晚非勝不可下有信心克服心理障礙，盡早向「拖肥糖」搶攻佔先機。
愛華頓遇3強全敗
愛華頓實力大不如前，今年16戰最叻只贏過排名14的水晶宮，今季4遇前3名勁旅全數敗陣。早前吞車路士6蛋，防線更有隊長史密斯高文及尼敦柏迪臣加入傷兵行列，上輪對森林又有箭頭比圖比東卡頭部重創，以球隊目前陣容及狀態，面對回復狠勁、背城借一的紅軍實難樂觀。
