踢走卡達 麥佳亞期待與梅菲對攻
曾在2007及2012年兩度打入世界桌球錦標賽四強的蘇格蘭名將麥佳亞，經歷去年低潮無緣世界賽主賽圈之後，今年知恥近乎勇，打出爭氣波，透過外圍賽闖入克魯斯堡聖殿，在正賽首圈面對今季狀態出色的「機長」卡達，最終以10:7取勝，闖入次圈，16強將會與以10:5淘汰了中國球手呂昊天晉級的前世界冠軍梅菲。
今屆賽事冷門不少，首圈出局的種子球手已有衛冕的比素爾及11號種子張安達，而現時世界排名第9的老將卡達，面對着世界排名28位的麥佳亞，初段是領先一方，但在領先7:6之時，卻被麥佳亞發力連贏4局打敗。卡達賽後失望說：「我打得唔多好，佢有四球遠枱射失又會冇嘢留低。抽中佢係難打，佢搵番鬥心，我哋都好想贏。我已經45歲，可能畀太大壓力自己，呢啲唔係排名或財政壓力，只係覺得自己應該可以做好啲。」
至於麥佳亞則說：「我防守唔夠卡達好，所以要打得進取啲，有時當你主動進攻，就會出現『符碌』。我真係好享受返番嚟呢度！」麥佳亞指自己與梅菲都是打法進取球員手，預期16強對決會是場對攻大戰。
