陳慧琳爆「蝦餃仔」傻更更唔識Chok
身高1米80 暫無意入行
忙於舉行巡迴演唱會的天后陳慧琳（Kelly），預告明年4月唱到返香港！她坦言每次舉行巡唱都很大壓力，皆因擔心病倒後牽連甚廣，故一定要保持身體健康，囝囝咳嗽也不敢埋身照顧！
泰國演員兼模特兒「大能」Thanaerng（Kanyawee Songmuang）、陳慧琳、廖子妤與劉俊謙前晚現身尖沙咀出席時裝活動。Thanaerng以英語自我介紹，穿搭時尚的她表示會視乎場合打扮，平時喜歡穿便服，偏好粉色系列。她受訪後，主動走近粉絲合照和簽名，非常親民。
明年4月在港開騷
Kelly近年忙於舉行巡迴演唱會，不過她表示已向主辦方提出暑假期間暫停，以便為一對兒子安排暑期活動及外遊，但一定不會選擇太寒冷的地方，擔心會冷病。她指巡演至明年4月，香港站是最後一站，這段期間不能生病，否則影響深遠：「每次做巡演精神壓力都好大，真係會好驚、好緊張，一定要保持身體健康，就連個仔咳兩聲，我都要閃開，推個老公去照顧個仔，邊度有阿媽係咁？正常都會問個仔有冇事，陪住佢嘛！」
談到粉絲讚她保養得宜，Kelly表示秘訣是少食多餐、少油和盡量不吃辣，但間中可以放肆。問到老公可有壓力？她笑言：「佢自信心爆棚，冇問題，佢都會Keep，不過佢同阿仔依家鍾意挑戰任食，我就唔敢食。」Kelly笑指細仔已是肥仔，大仔「蝦餃仔」反而很瘦，比她還要高，身高近1米80。問到大仔會否做模特兒？她笑言：「唔好，先讀好書，阿仔仲係傻更更，唔識行Catwalk又唔識Chok，暫時冇興趣入行。」
劉俊謙與廖子妤有份參演的電影《九龍城寨之圍城》入選康城影展一個單元，二人均稱未踏足過康城，故很想去，廖子妤說：「作為演員好想去見識，無論攞獎、提名或者只係去見國際明星，交流吓都好。」
