土希亡命雙雄對決追「半大」
歐協聯八強次回合，尚有土超費倫巴治主場對希甲奧林比亞高斯。首回合奧林比亞高斯主場贏3:2。兩隊在該役表現基本上都只攻不守，除5個入球外亦創造大量攻門。今仗次回合雙方都自信可以創下球會近年最佳成績（勝方入四強將遇上阿士東維拉或里爾），今仗必會繼續開賽即搶攻，推介首選[1.5]半場大盤。（beIN SPORTS CONNECT周五3:00am直播）
兩支球隊近期比賽都成為亡命之徒，除在比賽中入得失得外，更習慣開波即急急搶攻。費倫巴治近4場正式比賽共攻入10球亦失9球，全部在上半場總入球都逾兩個（未計算月初土耳其超級盃，對加拉塔沙雷只踢兩分鐘便腰斬，但當時費倫巴治已落後一球）；奧林比亞高斯近兩仗共入8球，同樣全開半場大盤。回顧首回合，雙方亦一開賽即對攻，半場一樣大，費倫巴治在0:3落後下連追兩球，今仗於主場球迷打氣下豈肯再失先機？當然開波即搶攻圖收復失地啦！
