視喝茶美食為放鬆之道
香港文匯報訊（記者 張發兒）足球以外，林樂賢的日常生活其實與普通人無異，會跟女朋友約會，季初的時候則會利用空餘時間去健身及加操，另外他亦視飲茶和尋找美食為放鬆方法。
訪問當日正值林樂賢練波之後，當時他手上正握着一支樽裝綠茶，記者好奇地問：「其實平時係咪好鍾意飲茶？」啫喱表示：「呢支茶其實都係媽媽喺超市買畀我，平時自己都會沖茶（茶包），我都研究過綠茶其實係對身體有益，所以先會飲。」
林樂賢亦透露空閑時會跟朋友到咖啡店消閒：「去咖啡店純粹都係志在有個舒適嘅地方畀我同朋友吹水，不過我都係叫茶居多，自己唔係飲咖啡嘅人，因為試過飲完咖啡之後瞓唔着。」
