完美過程 強勢回歸
艾比特復出領76人4連勝
因為前76人經理軒基一句：「相信過程」而贏得了「過程」外號的76人中鋒艾比特，上周二終從半月板手術後傷癒回歸球場，連同昨日他領軍作客灰熊大勝116:96後，在其復出的三場中，76人錄得全勝，近期合共的4連勝令該隊重新燃起躋身東岸前6直闖季後賽的機會。擁有這個完美「過程」，76人已被重新列為今季爭逐總冠軍第三熱門，列強對手都必須加強警覺呀！
面對傷兵滿營的灰熊，76人今戰確實贏得輕鬆，艾比特只需上陣23分鐘，13投9中，三分球2射全中，合共取得30分，另加12個籃板，這位喀麥隆出生的美籍中鋒最終在第三節剩餘約7分鐘便被收起，76人輕鬆完成大捷。教練紐斯賽後表示：「今場比賽有好多做得唔錯地方，我哋都要演練更多進攻戰術，佢（艾比特）都努力搵緊最佳狀態。」
在陣勝率78.3%直逼綠軍
復出後連續三場得分都逐場提升，但艾比特對自己表現仍然未夠滿意：「我仲係好唔穩定，相比我受傷之前，依家感覺係仲適應緊個節奏同速度。」今季76人在艾比特上陣的賽事中，累積取得29勝9負，勝率為78.3%，相較聯盟及東岸「一哥」塞爾特人的79.2%勝率相差極近，同時更勝聯盟次席兼西岸「一哥」金塊的69.2%，而東岸「二哥」公鹿的勝率更只得61%，遠不及有艾比特坐鎮的76人。
這支費城球隊目前以43勝35負處身東岸第8，距離第6位溜馬只相距一場勝差，在只餘4場常規賽下，要爭逐前6直闖季後賽仍有機會。不過，艾比特卻聲言並不介懷排名：「我哋唔會理，只係想打出好嘅籃球、贏波同埋搵到好節奏。只要球員都健健康康，無論我哋排第幾都冇所謂，都一樣應付有餘！」果然是信心十足呀！
