學懂「痛」才算成長 雲浩影水中跳舞溢仙氣
香港文匯報訊（記者 阿祖）雲浩影（Cloud） 日前推出第二張個人專輯《INTRODUCTION to PAIN》，專輯封面及相集於長洲取景，Cloud以多個造型上陣，分別以黑色型格西裝和白色仙氣紗裙在海邊拍攝，被海水沾濕裙襬的她更索性除鞋，赤腳跑落水中。她拿起裙襬在水中轉圈跳舞，興奮得像個小孩一樣，畫面自然唯美。Cloud說：「今次影唱片封面都幾艱辛，攀山涉水去到長洲。見到有個咁靚嘅陽光與海灘，順便落埋去Let's Get Wet，啲衫濕晒。」她認為自然和隨意狀態去演繹最舒服、最吸引到人，也較容易掌握到。團隊隨後移師到精美小屋內拍攝，Cloud換上多個隨性造型，並用上花等的道具來表達「痛」。她說：「好希望用畫面呈現『痛』，譬如會有橡筋箍耐咗嘅勒痕，我背脊都會有花嘅倒影，希望呢啲傷痕會變成燦爛美好嘅事情。」
專輯名字《INTRODUCTION to PAIN》，「痛」看似是沉重的一課，但對Cloud來說，卻是重要課題和美麗事情。她說：「第一次感受成年人世界嘅痛係點，能夠學識面對自己嘅痛才是一種成長，有經歷嘅人才算美麗。Jay Fung（馮允謙）初初聽到《INTRODUCTION to PAIN》會覺得好Heavy，但我話唔係，只係想同大家分享我嘅經歷，亦想大家陪我經歷呢件事。」
