中產應該住哪區？
湯文亮博士 紀惠集團行政總裁
有朝早去到茶餐廳，有客人話個仔想買樓，預算一二千萬之間，應該在哪一區，九龍好抑或香港好。老闆唔答，搵我答，我認為一二千萬預算，應該是屬於中產，如果搬去富人社區，雖然畀朋友知道是感覺良好，但自己住在該區，相比其他人住緊億億聲單位就會自慚形穢，如果搬去基層社區，俾朋友知道又唔係咁好。
事實上，有兩個住宅區是符合中產人士，九龍的是啟德，香港是黃竹坑，啟德是新開發區，而黃竹坑是活化區，雙方各有優劣，如果樓市回復正常，兩區的樓價升幅應該比其他區域高得多，老闆同意，補充話，兩區應該有很多年輕中產業主，活力也比其他區域勁得多。
樓冇人炒不升
講開又講，復活假期第一日，老婆話與幾個大媽去睇新樓盤，其中一個付款辦法就是畀5%，可以睇20個月，樓價當然高過建築期付款方法很多，畀咁少首期，會不會掀起炒風。一定會，很多人知道，人無橫財不富，馬無夜草不肥，但很少人知道，樓冇人炒不升。
在政府全撤辣之後，代表政府接受樓市有多少炒風，但如果政府要求每次簽訂臨時買賣合約時，就要立刻付印花稅，就算有炒風掀起，都唔會好強勁，而樓價上升，就會多啲人買樓，負資產人士減少，銀主盤減少，政府賣地收入增加，解決財赤問題，雖然不能話百利而無一害，但總好過樓價下跌，冇人買樓，銀主盤增加，地產商唔買地，政府出現巨額財赤，小量炒風其實令不少市民重新認識樓市，對樓市有正面作用。
