親解入行多年零緋聞之因 衛詩雅擇偶首選圈外人
香港文匯報訊（記者 子棠）出道16年的衛詩雅今年憑《不日成婚2》首度入圍金像獎「最佳女主角」，近日她在電台節目分享浮沉影圈16年的起跌外，更首揭經理人霍汶希最初發掘她是想捧她做歌手，又親解入行多年來與眾多圈中男神合作卻沒擦出愛火花的原因。
衛詩雅分享當年試音的經歷：「一開始係搵我做歌手，因為試音過程太恐怖，就無做到歌手。我第一次入錄音室，要戴上耳機去聽自己唱歌，但我聽到自己唱歌就立即去咗廁所嘔，之後大家對我唱歌再無任何希望。」衛詩雅一踏足影圈即被英皇力捧做女一，「當時唔識諗，以為每個人入行就會做一次女主角，𠵱家諗返，先發現當時嘅機會好難得。當年和洪卓立、陳家樂一起宣傳《很想和你在一起》時，家樂同我講佢好唔開心，覺得每次訪問都無咩人理佢，但我啱啱入行唔識去留意呢啲細節，唔明白佢的心情，但經過咁多年後，我就明真係好難受，因為我都經歷過好多。最感慨係入行三四年後，有時演回大配角，甚至劇組茶水阿姐預備水杯都無我個名字，有段低潮期好長時間無人搵我拍戲，我會好質疑自己，但我又好鍾意演戲，所以主動爭取機會。」
與不同男神合作過，但從來零緋聞的衛詩雅笑說：「我最大嘅緋聞就係無緋聞，最大新聞就係無新聞！其實我都唔知點解，我都好想製造啲緋聞出嚟！拍緊嘅時候係試過戲假情真，但我好快好清晰抽返個情緒出嚟。」她亦親解對圈中男神從沒有幻想的原因，「呢行太多靚嘅人，可能我過濾咗靚嗰部分，所以唔會覺得特別吸引，唔會因為樣而吸引到我。我同圈內人相處完全無曖昧，本身對圈內人已經唔係好感興趣；理想伴侶係圈外人，因為我唔想話題一樣，想喺對方身上認識呢個世界，想知其他行業嘅嘢。」
