關嘉敏 伍韻婷扮醜鬥出位
《福祿壽訓練學院》素人阿昭出「平」制勝
由阮兆祥、李思捷與王祖藍主持的香港首個扮嘢真人騷《福祿壽訓練學院》將接棒《中年好聲音2》強勢推出，50位入圍者將施展渾身解數爭奪「扮嘢王」寶座！藝人關嘉敏與伍韻婷放下靚女形象，齊齊扮醜博出位。素人阿昭則出「平」制勝，僅以200元成本扮汪明荃唱《熱咖啡》，騎呢又好笑！
《福祿壽訓練學院》50位入圍者中，除了有本地薑，還有來自內地及澳門等選手，當中一半是素人、一半是藝人。眾人先後要在初選及第二輪面試中脫穎而出，才有資格在首兩集的首輪競賽亮相。由於首輪競賽以「盲選」方式進行，為保持神秘，製作組一直未有公布50位入圍者身份，不過據知單是入圍藝人已相當多元化，除了有前天堂鳥成員葉泓聲（Gordon），還有近年演戲屢見突破的關嘉敏、坐擁8級小提琴音樂資格的吳兆麟（Alan），以及港姐出身的伍韻婷（Juliana）等。
關嘉敏坦言為了首輪競賽的造型花了不少工夫，很開心獲好友鼎力支持：「身邊好多朋友願意幫我，同埋專登搵人做咗件同嗰個人嘅招牌Look一樣嘅衫，成本都高，但我冇理，因為只想做好件事。」她指單是化妝已花3至4小時，最開心是化妝後，現場幾乎沒有人認得她。選擇以周星馳電影《功夫》包租婆造型面試的Juliana，希望藉參賽突破自己：「呢個角色好Iconic，同埋好粗魯同好霸氣，我都想畀人睇到我扮嘢一面。其實呢個造型算易，同埋我屋企咁啱有條類似嘅裙。」
阿昭連工包料唔使200蚊
據知，一眾素人實力亦相當出眾，其中一位素人阿昭由面試到入首輪競賽，均以Low Budget震撼幕後工作人員及3位導師！製作組公開阿昭扮汪明荃（阿姐）跳唱《熱咖啡》的面試照，非常爆笑！他受訪時坦言整個造型前後花費不足200元：「阿姐嘅《熱咖啡》相信好多人睇過，再由我扮佢相信反差會大啲，亦希望爆笑啲。成個造型我係上網買晒成套衫，再將啲羽毛搵啲爛衫黐落去DIY出嚟，Budget都控制喺200蚊之內，另外好多謝一班朋友幫手演出。」他更預告首輪競賽造型繼續在200元內搞掂，認真精打細算。
