人氣依舊 肥公車仔麵
一直備受車仔麵關注組追捧、位於太子的肥公車仔麵早前突然拉閘關門，多月來一直未知去向，嚇親一班熟客。近日有網民發現，肥公已由太子搬到旺角，以新面貌與一眾食客見面。
肥公車仔麵店新店選址旺角上海街709號，毗鄰旺角維景酒店，新店比舊時光鮮企理不少，但菜單基本沿用舊店，多款招牌選擇繼續保留，包括大腸、生腸、豬肺、滷水雞翼、雞腳、牛膀等，一吃就知是昔日港式風味。餸類如蟹柳、芝士腸、墨丸、腐皮龍蝦條8元、牛膀、豬肺等10元、金錢肚、豬腸、豬手等更要15元。雖然有不少食客指新店平價不再，但仍無阻一班忠實粉絲排隊等食，足見人氣。
