國產品牌場內崛起
三禾電氣老闆Simon表示，「iPhone神話早已破滅，以前我哋香港版iPhone炒上內地，但近兩年已經是內地版iPhone賣回本港，現時先達只收香港版iPhone原裝機，然後賣去外國某些地方如中東和俄羅斯。所以，現時先達炒iPhone係完全無得搞。」他續稱，現時業主會有減租，但只限吉舖，現舖減不了幾多。
Simon續指，疫情過後先達人流是有回升少少，但人流集中外國客人和少許內地客人，本地人卻極少，因此，先達人流希望回復疫情前根本無可能。他解釋，「現時本地人都少咗出街，好早就返晒屋企，基本上成個先達好似以前防疫時禁堂食時咁，8點就無晒人。」
8電訊老闆龍哥則指，先達廣場2007年時因為炒賣iPhone而盛極一時，亦因為近年iPhone銷售不濟而衰極一時。今日先達廣場必須加快轉型，例如近年開始多了店舖售賣其他品牌的智能手機，如國產品牌小米、OPPO、VIVO 、Honor 、Realme、OnePlus以及重新回歸的華為，今年都有大量新功能的智能手機推出，開始吸納不少機迷。相反蘋果公司最新款的iPhone15無論在外觀上和功能上都變化不大。
Simon則指，對比iPhone，近年國產智能手機多了很多創意，情況好似好多年前的日本手機不停有新款手機供應，多了好多古靈精怪功能及創意。相反，iPhone完全冇創意。
龍哥並指，現時商場地下據悉有多個街舖租約快到期，據了解，今年可能會引入出售無人機、小型電動滑板車等商店，令到整個商場重拾朝氣。
