洪永城梁諾妍二女出世
香港文匯報訊 洪永城（Tony）和梁諾妍（Inez）去年宣布懷有第二胎，昨日洪氏夫婦宣布二公主Beryl已在本月21日出世。
繼大女叫「Sir Face」，Inez延續二女叫「Sir NOSE」，並透露BB女非常健康，重7磅2，當聽到Beryl出來時的喊聲，她和Tony更⼀齊感動到喊出來。
而Tony在社交網報喜時貫徹鬼馬本色，代入二女兒發心聲表示：「頭先我都聽到啲姐姐話叫我Sir face 2.0 ，我其實有啲唔開心，因為我想似我靚靚嘅媽咪多啲，我一定要做Mum face。我知道我喺媽媽肚入邊時候跳跳紮，令到媽咪瞓得唔好，同埋原來我自己都幾有肉地，頂住媽媽個胃，大個咗我一定會好好照顧媽咪同佢個胃。我好高興嚟到呢個家庭，我有個好為食嘅大家姐Molly（愛犬），又有一個非常好動嘅二家姐，所以我決定傳承佢兩個嘅優點，成為一個又為食又好動嘅三妹，同埋我偷聽到爸爸話一定會帶我周遊列國去旅行喎，好嘢。」
