感染病毒 干卡路激瘦受苦
葡萄牙今晚友賽瑞典，將會收起包括C朗拿度等在內的多位主力，而効力巴黎聖日耳門（PSG）的前鋒干卡路將有機會擔起大旗。去年夏天轉戰法甲的他，球季過了超過一半，仍未能在PSG站穩正選，他透露自己在法國遇到了不少困難，當中以去年底感染病毒，激瘦8公斤影響最大。
前年的卡塔爾世盃在對瑞士一戰大演帽子戲法，干卡路就此名揚天下，去年暑假更由賓菲加外借PSG，兼附買斷條款。不過，干卡路在法甲生涯卻相當崎嶇，一直未能適應水土，發揮平平，他更透露期間的染病慘況：「我喺12月真係好辛苦，開始係感染病毒，之後更變成結腸炎。我連續20日出血同嘔吐，唔食得嘢，跟住仲發燒，連續進進出出醫院，甚至要接受靜脈輸液。」
干卡路補充：「我瘦咗8公斤，完全適應唔到法國生活，又冇人幫到我。之後我嘗試增重，但由一月重新訓練，又係好難，之後搞咗成個月，先搵番狀態。」22歲的干卡路質素毋庸置疑，但狀態仍有待提升，今晚要孭飛鬥瑞典，會是一大考驗。
