胡定欣拍《巾幗》辛苦消瘦 黎耀祥精選工作不言休
香港文匯報訊（記者 梁靜儀，攝影 黃艾力）黎耀祥、胡定欣、張振朗、袁偉豪、姚子羚、朱晨麗及監製鍾澍佳昨日出席在香港國際影視展舉行的騰訊視頻推介會，宣傳TVB 77工作室的新劇《巾幗梟雄之懸崖》及《反黑英雄》。
黎耀祥（祥仔）與胡定欣去年底完成新劇《巾幗梟雄之懸崖》，談到拍攝過程，祥仔表示辛苦但開心：「辛苦嘅，最辛苦係拍攝日程好長，日日同時間競賽，最難忘係我同定欣喺稻田睇日落，個太陽位置飄忽不定，好彩最終都拍到。」
為了今次角色，祥仔事前更刻意減肥：「瘦咗十幾磅，都係食少啲，不過一開工運動量就好大，每日戴手錶度運動量都超標，同埋監製好好，安排嘅飯盒都少油少鹽多菜。」
近年一年只拍一劇的祥仔說：「唔係刻意減產係精選工作，冇辦法，年紀大體能唔及以前，況且都拍咗咁多年，角色同劇本好多都試過，但永不言休，因同台前幕後建立咗長久關係，突然唔做好傷感情。」祥仔又指自己都要跟隨時代趨勢改變工作模式：「現在我都有同TVB做網上直播，亦會拍短片放上抖音，建立自己嘅人設。（直播定拍劇好搵？）冇得比，睇你點睇啦，日薪就一定係。」他又指現時的工作大多在內地，而內地市場也是一條出路。
胡定欣亦表示因在兩個半月拍了75組戲，以致消瘦了不少，尤其是第一個月最辛苦，因要適應角色，加上她有很多主景，每日通告都是「頂天立地」，由最早到最後一場她都要拍攝，拍到第三日已明顯瘦了，她拍完400多場戲後，體重已跌至低於50公斤。
定欣又稱今次動作戲不多，但對白卻很長，要動腦筋很費神，所以她很佩服祥仔記性好，亦有向他請教如何消化到長對白又能演到戲。她笑指拍這套劇不能懶惰，因隨時要講幾頁紙對白，對她都是個考驗。二人第八次合作，定欣覺得是緣分，亦師亦友，而她對這個劇集系列有一個情意結，因為第一二集她亦有份參與演出。此外，她在新年期間去了日本滑雪，她笑言是成就解鎖。
《新聞女王2》最快年底開拍
朱晨麗表示剛拍完《反黑英雄》，即將又要為另一齣劇集《反黑》開工，都有點混淆，幸好兩齣劇角色不一樣，在《反黑英雄》中飾演女警有很多打鬥場面，雖然有損傷，但問題不大。
她謂之前農曆新年都要開工，但沒見4年的媽咪來港陪她，她特別訂位帶媽咪去睇煙花，今次更是兩母女第一次在港睇煙花過年，感到好開心。早前陳煒（煒哥）爆她有男友，問到媽咪會否更想她帶男友給她見？朱晨麗笑說：「現在唔講，隨緣啦，唔心急，煒哥想做紅娘。（有冇介紹醫生朋友畀你？）佢講咗好耐，但冇。」
無綫前日宣布將開拍《新聞女王 2》，該劇監製鍾澍佳表示將於年底或明年初開拍，故事將會是第一輯的延續。他又透露新一輯除了原班人馬演出之外，會加入新角色，除了有黃宗澤，還會加入一個好壞及一個好好的女主播，條件是要後生女，但暫時未有合適人選，他歡迎大家自薦。
