不覺情路坎坷 鍾舒漫依然憧憬婚姻
香港文匯報訊（記者 子棠）鍾舒漫（Sherman）自2020年離開英皇娛樂，最近推出了獨立發展後的首支個人單曲《What you get》，慶祝明年入行20周年，並於電台節目分享自資製作音樂的艱辛，及披露曾與她共患難的導演男友分手原因。
Sherman早前與陪伴她經歷過不少高山低谷，包括失聲及生意糾紛案件的導演男友分手。她說：「佢係陪我經歷咗唔少困難，不過兩人好睇Timing，大家覺得應該要分開吓。至於分手原因，是察覺到我哋溝通時，我想要嘅嘢短期內佢未必畀到我，佢唔係唔肯進步，但短時間要做到，對佢嚟講係辛苦，我哋曾經因為咁樣不停角力。係我先主動提出分手，又曾經一齊挽救過，之後有共識分開。」今年踏入40歲的Sherman，坦言一直對婚姻有憧憬：「我希望我另一半可以喺事業上支持到我，我係好想組織一個家庭，但我知道呢刻要處理好事業先，所以我需要一個好ready迎接組織家庭嘅人，我唔想一個人處理好多嘢，想對方可以分擔、幫助到我。我希望另一半可以比較穩定，如情緒上比較冷靜，可以打開我內心，令我唔會咁壓抑，可以好似朋友咁，咩都可以分享。」Sherman更直言很羨慕妹妹鍾舒祺與丈夫的「低能相處模式」，更披露父母已擔心她何時結婚。
感情屢遇挫折的Sherman被外間形容她常戀上渣男，情路坎坷，對此她說：「我又唔覺，唔係大家睇到嘅咁慘。對每一段感情我都無後悔，諗返轉頭當時大家都未成熟，況且人哋現在有自己家庭，我都好戥佢哋高興。」
