謝東閔被迫「家暴」女友
謝東閔與黃美棋昨日宣傳《2024 UCI國家盃場地單車賽（中國香港）》，下月結婚的黃美棋透露現在要積極減肥兼紮肚，目的是穿上靚靚婚紗：「冇預計有好多嘢要做，好彩婚禮另一半都有參與，唔係全部我負責。」問到可有與未來老公吵架？她笑言：「真係有，例如大家打算開30席，但佢發現多咗5席，就提我婚紗裙襬唔好太大，唔好令場地顯得太窄。印喜帖大家又有唔同意見，有時令到自己好忟憎，不過都知佢係講道理，從來冇鬧我。」
謝東閔表示搞婚禮有很多事要準備，要向美棋學習。問他是否也好事近？他笑言有好消息便會公布。提到女友朱智賢近期不時上載家居搞笑短片，謝東閔承認幫手拍攝：「我有掟佢毛巾同掌佢嘴，搞到其他人以為家暴，其實我都係被迫，鏡頭後大家唔知發生咩事。」
