陪連詩雅產檢 陳家樂喊足三次
買機器每日聽BB心跳
快將做爸爸的陳家樂心情緊張又興奮，前晚出席活動時踢爆太太連詩雅貪靚怕肥，公開呼籲大家見到他太太時，要叫她多吃東西。他承認之前陪太太產檢時感動到喊，但現在已知胎兒性別，已不會再哭。
電影《出租家人》前晚舉行慈善首映，演員曾志偉、恬妞、陳家樂、周家怡、方力申，以及英皇集團主席楊受成與及太太陸小曼等出席。準爸爸陳家樂透露太太連詩雅懷孕近5個月，為保持神秘暫不公開性別：「陳太（連詩雅）依家好緊張，買咗一部機器每日聽BB心跳。」他指太太預產期在7月中，那段時間他有機會離港工作，故已請了陪月。問到喜歡仔還是女？他笑言仔女都鍾意，即使生女都可以陪他睇波：「我爸爸、爺爺對我同我個妹係兩種性格，大概我都睇到自己會點，生女應該會賴晒嘢！」他公開投訴太太一向食量少，即使懷胎都吃不多：「佢怕太肥上鏡唔好睇。」家樂希望大家見到陳太時，幫忙叮囑她多吃一點。
提到連詩雅之前爆他陪產檢時哭了出來，家樂尷尬說：「產檢係開心嘅，未入去前醫生已經同我講，通常爸爸都會喊一次，我同醫生講放心我唔會喊，但第一次已經喊咗，到第二、第三次都喊，醫生話我都幾喊得，終於第四次就冇喊，因為知道性別，我唔喊喇！」家樂想過入產房陪太太生產，也希望拍片，但未知太太意願：「總之唔想佢有太大壓力。」
許靖韻銀幕初吻獻方力申
恬妞對上一部拍的港產片是3年多前的《如珠如寶》，志偉笑言與恬妞合作無間：「我第一部戲去台灣做男主角，就係同佢拍，當時我高攀佢。之後我做老闆拍《小小小警察》，又搵佢做女主角，淵源幾深。」他坦言今次戲中的對手要很有默契，故想起恬妞。他又稱以前拍戲通常追不到恬妞，今次終做夫妻，雖然已七八年沒合作，但覺得恬妞依然漂亮。恬妞則讚志偉比以前成熟，提到志偉已是TVB總經理，她說：「係佢努力得番嚟。」
周家怡與家樂老友鬼鬼，問她會否做BB契媽？她笑言要看緣分，因她已有四個契仔、兩個契女。而許靖韻與方力申於片中演情侶，並獻出銀幕初吻。問到小方是否好咀？她笑說：「都錫咗好多秒，感覺好好，拍咗幾個角度。」
