宋宛穎讀醫學以致用 江美儀唔揀擇執垃圾
江美儀、黎芷珊、宋宛穎、何沛珈與《中年好聲音2》參賽者等昨日到將軍澳電視城，出席無綫「新一季，綜藝魂，嚟料！」記者會，介紹最新綜藝節目。何沛珈與宋宛穎合作主持《早D知早D醫》，正修讀醫療科學碩士的宋宛穎可謂學以致用，問到讀書時有否遇上狂蜂浪蝶？她笑言：「咁又冇，返學通常戴口罩，同學都唔認得我。」
江美儀主持節目《一個好人》，要身體力行做義工，會到垃圾屋清潔，又要潛水執垃圾，覺得很有意義。問到何時再拍劇？她笑言：「未知，等公司安排，可能公司覺得我可以做一個好嘅主持。」身為視后的她被問是否太揀擇？她說：「冇搵我，我一向唔揀擇，畀咩我就拍咩。」
